اعلق الدنيا.. على مسمار

مدقوق فيه اجدار..

          وتسكن في ساسه ريح..

من له سنين يطيح..

          ولجل الليالي اقصار..

                    ممداه..

اعلق اعيوني على نجمه..

          محبوسةٍ.. في غرفةٍ ظلما..

ومقفول عنها باب..

          ولها حارسٍ كذاب..

                    دايم يشيل اكتاب..

ويقراه وهو اعمى

أعلق احلامي على نصل..

سهمٍ يشد افنبل..

وترمى به الدنيا.. ويخطى

وترمى به الدنيا وبعد.. يخطي..

اموت أنا مبطي..

          لكن.. أحْدٍ يبي ياخذ..

                    مني.. وابي اعطي..

أعلق افسمعي .. رعد غيمة..

          واشرب.. ذِكِر ديمـه..

          طاحت في بطن اليم..

                    اغمض اعيوني عليّ..

                             واحلم..

بعرقي.. يعاف الدم.. شيمه..

بروحٍ على تندم..

بدر بن عبد المحسن