(اثْـنَيْـنهُم) يمشون بالشارع

تلْمِيذَه..

          وحقيبة

          والثالث / الدفتر..

وفجأة.. يعيش اثنين!!

          ويسقط الدفتر..

ومن غير أمُدّ / إِيْديْ..

(فقط / حَاوَلْتْ)!!

وصار الدفتر / العصفور..

          يمد جِنحَانَهْ / الأوراق..

          وينثر خوفه / وينثر

          وُوَقَفْتْ تحت / النور..

دفتر (أبُو عشرين)

غِلافَـه الأسود

          شديد / الحزن..

الصفحة الأولى..

مرسوم فيها / شمس..

          وفي كل باقي الصفحة

مكتوب كلمة / ليل!!

الصفحة رقم اثنين..

مرسوم فيها..

          سلسلة وحصان..

          (وعباية) داخل

          أربعة جُدران..

والصفحة – رقم !!

          (ثلاثة ، أربعة)-

مرسوم فيها نهار / بالمقلوب...

وجدران بيت (اسمنت)،

          بابـه (طوب)...

وفي باقي الدفتر؟؟

كِتابِه بعضها – واضح..

وبعضها (مشطوب)...

وفي آخر الدفتر...

          عبارة – تقول –

          [أنا في خارجْ – الكشكول...

          وَكِلْ ما فيني ،،، غَيري-

          أنا / في داخل – الكشكول ...

          بلا – مكياجْ

          ولا – اكسسوار،،

          ولا – مريول]...

سعد الثوعي الغامدي